ریاست اترپردیش کے ضلع علی گڑھ میں آج صبح سمروٹھی کے قریب یمنا ایکسپریس وے پر ایک حادثہ پیش آیا۔ یہاں ایک مسافر بس پلٹ گئی جس کے نتیجے میں تین افراد کی موت ہوگئی ہے جبکہ 25 افراد زخمی ہیں۔
بس میں 45 مسافر سوار تھے۔ یہ لگژری بس کانپور سے دہلی جارہی تھی۔ مرنے والوں کی شناخت کی جا رہی ہے۔
اطلاع ملنے کے بعد موقع پر پہنچی پولیس نے تمام کی لاش کو پوسٹ مارٹم کے لئے بھیج دیا ہے جبکہ زخمی ہونے والے افراد کو علاج کے لئے نوئیڈا کے کیلاش اسپتال میں داخل کرایا گیا ہے۔
ایکسپریس وے سے بس کو ہٹانے کے لئے کرینز طلب کی گئی ہیں۔
وزیر اعلی کی جانب سے بس حادثے میں ہلاک ہونے والوں کے اہل خانہ کے ساتھ اظہار ہمدردی پیش کی گئی ہے، اس کے علاوہ وزیراعلی نے زخمیوں کے مناسب علاج کی ہدایت دی ہے۔
