اتر پردیش کے دارالحکومت لکھنؤ کے اودھ شلپ گرام میں 22 جنوری سے 7 فروری تک چلنے والے 'ہنر ہاٹ' کا افتتاح یوپی کے وزیر اعلی یوگی آدتیہ ناتھ اور مرکزی وزیر برائے اقلیتی امور مختار عباس نقوی نے کیا تھا۔
لکھنؤ کے ہنر ہاٹ میں تقریباً 29 لاکھ سے زائد لوگوں نے پشتینی دستکاروں کی حوصلہ افزائی کی، ساتھ ہی کروڑوں روپے کی خریداری بھی کی۔
مرکزی وزیر برائے اقلیتی امور مختار عباس نقوی نے آج ہنر ہاٹ کے اختتام کے موقع پر نامہ نگاروں سے بات کرتے ہوئے کہا کہ ایک طرف جہاں ملک کے ہر علاقے کے ہاتھوں سے تیار نایاب مصنوعات دستیاب تھیں، وہیں دوسری جانب یہاں آنے والے لوگوں نے ملک کے مختلف علاقوں کے روایتی لذیذ کھانوں کا لطف بھی اٹھایا۔
انہوں نے کہا کہ 24 ویں ہنر ہاٹ میں پورے ملک سے تقریباً 500 لوگوں نے اسٹال لگایا ہے۔ ان میں ملک کے بہترین دستکاروں نے چکن کاری، زردوزی کاریگری، بنارسی ساڑیاں، لاکھ کی چوڑیاں، چمڑے کے بیگ اور دوسری مصنوعات کی نمائش، عوام کے خریدنے کے لئے کی۔
بھارت میں دستکاروں، فنکاروں کی شاندار وراثت ہے۔ ایسے ہنر مندوں کے لئے ہنر ہاٹ شاندار پلیٹ فارم ہے، جہاں ان کے ہنر کو سبھی دیکھیں اور اس کا فائدہ کاریگروں کو مل رہا ہے۔
انہوں نے کہا کہ آزادی کے 75 سال ہونے پر مرکزی حکومت ہنر ہاٹ کے ذریعے ملک کے 7 لاکھ 50 ہزار سے زائد دستکاروں اور کاریگروں کو روزگار کے مواقع فراہم کرے گی اور ان کی مدد بھی کرے گی۔
مختار عباس نقوی نے کہا کہ ہنر ہاٹ میں ہر روز شام کے وقت ملک کے مشہور و معروف فنکاروں کے ذریعے 'خود کفیل بھارت' تھیم پر پیش کیے گئے میوزک اور موسیقی کے پروگرام بھی ناظرین کی کشش کا مرکز رہے۔
قابل ذکر ہے کہ وزیر اعلی یوگی آدتیہ ناتھ نے کہا تھا کہ اس بار کا ہنر ہاٹ اس لئے خصوصی ہے کیونکہ یو پی حکومت کا 'او دی او پی' (ون ڈسٹرکٹ ون پروڈکٹ) پروگرام ہنر ہاٹ کے ساتھ مل کر کام کرے گا، اس سے بہتر نتائج حاصل ہوں گے۔
مزید پڑھیں:
محمد یامین کو پوری امید ہے کہ مودی اور یوگی جی اس جانب توجہ دیں گے اور لوگ انہیں اس کے لئے یاد بھی رکھیں گے۔ مختار عباس نقوی نے کہا کہ 'لوکل فار گلوبل' کا مقصد ملک کے بہترین دستکاروں کے ہنر کو دینا کے سامنے پیش کرنا، جس سے ہمارے لوگوں کی آمدنی میں اضافہ بھی۔ لکھنؤ کا ہنر ہاٹ 'ای پلیٹ فارم' http://hunarhaat.org پر بھی ملک و بیرونی ممالک کے لوگوں کے لئے دستیاب ہے، جہاں سے سیدھے دستکاروں کے دیسی سامانوں کو اچھے سے دیکھ کر خرید سکتے ہیں۔
