مظفرنگر: کورونا کے 24 نئے مریض ملنے سے انتظامیہ میں ہلچل

ریاست اترپردیش کے ضلع مظفر نگر میں کورونا وائرس کیسز میں کمی کا سلسلہ جاری ہے۔ آج ضلع میں 24 نئے مثبت کیس سامنے آئے ہیں ۔ جس کے بعد ضلع انتظامیہ میں ہلچل مچ گئی۔ آج موصول ہوئی رپورٹ کے مطابق 71 نئے معاملا ت میں سے 24 مثبت کیس پائے گئے ہیں اور دیگر تمام رپورٹیں منفی آئی ہیں۔

اترپردیش کے ضلع مظفر نگر میں گزشتہ چوبیس گھنٹے کے دوران کورونا وائرس کے 71 نئے معاملے سامنے آئے ہیں۔

راحت کی بات یہ ہے کی آج 26 مثبت مریض صحتیاب ہوئے ہیں ۔ اب کورونا مثبت مریضوں کی تعدادصرف 242 رہ گئی ہے۔

مظفر نگر میں اب تک 100 سے زائد افراد کی کورونا وائرس کے سبب موت بھی ہوچکی ہے ۔

ضلع میں چوبیس نئے مثبت کیسیزملنے کے بعد چند مریضوں کو بیگراج پور میڈیکل کالج مظفر نگر کے آئسولیشن وارڈ میں بھیجا گیا ۔اور کچھ کو ہوم آئسولیٹ کیا گیا ہے۔

میڈیکل کالج کے ڈاکٹروں کی ٹیم پہلے ہی تقریباً 8058 کے قریب متاثرہ افراد کو صحت یاب کر انہیں گھر بھیج چکی ہے۔