مردآباد: کوروناوائرس کے کیسز میں اضافہ

کوروناوائرس کے کیسیز میں مسلسل اضافہ جاری ہے، اس ضمن مردآباد میں 23 نئے کورونا مثبت واقعات رپورٹ ہوئے ہیں۔

ریاست اترپردیش کے ضلع مرادآباد میں پیر کو مہلک وبا کوروناوائرس کے 23 نئے مریضوں کی تصدیق کے بعد ضلع میں مجموعی متاثرین کی تعداد بڑھ کر 564 ہوگئی ہے۔

چیف میڈیکل افسر ڈاکٹر ایم سی گرگ نے بتایا کہ آج موصول رپورٹ میں 23 کورونا مریضوں کی تصدیق ہوئی ہے، جس میں بینک آف انڈیا کے دو مریض، قصبہ کندرکی کے تین، پریم نگر کے ایک، مجھولا تھانہ علاقے میں ایک، چاؤ کی بستی میں ایک، دو فقیر پور منسرور سے، دو کوٹھی وال نگر سے، ایک رحم نگر سے، ایک رما گنگا ویہار سے، ایک موہان لیب سے، ایک موہان ایکسرے سے، چار آواس وکاس سے اور بقیہ مرادآباد کے مختلف علاقوں کے ہیں۔

انہوں نے بتایا کہ ضلع میں تین مریضوں کی موت ہونے سے اب ضلع میں مرنے والے مریضوں کی تعداد بڑھ کر 27 ہوچکی ہے۔

مردآباد میں کوروناوائرس کے کیسز میں اضافہ

واضح رہے کہ اترپردیش میں گذشتہ 24 گھنٹوں میں کورونا وائرس کے 107 نئے متاثرین کی تصدیق کے ساتھ ریاست بھر میں مجموعی طور سے مصدقہ مریضوں کی تعداد 27707 پہنچ گئی، جن میں سے ابھی تک 785 سے زائد افراد ہلاک ہوچکے ہیں۔

خیال رہے کہ لاک ڈاؤن 2.0 بھی شروع ہوگیا ہے، جس کے تحت ایک نئی گائیڈ لائن جاری کی ہے۔

واضح رہے کہ آٹھ جون سے مندر مسجد گرودوارے سمیت تمام طرح کی عبادت گاہوں اور شاپنگ مالز کو کھول دیا گیا ہے، اس کے لیے ضلع انتظامیہ نے ہدایت جاری کرتے ہوئے کہا کہ سماجی دوری پر پورا عمل کرنا ضروری ہے۔

کوروناوائرس کے کیسیز میں مسلسل اضافہ جاری ہے، اس ضمن مردآباد میں 23 نئے کورونا مثبت واقعات رپورٹ ہوئے ہیں

وہیں بچوں کو کھیلنے کے لیے گیمنگ زون اور سینیما گھر پوری طرح بند رہیں گے۔

ضلع انتظامیہ نے شاپنگ مال میں جانے والوں پر شرائط عائد کی ہیں کہ جن لوگوں کے موبائل میں آروگیہ سیتو ایپ ہوں گے، صرف انہی کو شاپنگ مال میں داخلہ دیا جائے گا۔

ریاست میں کورونا وائرس کے بڑھتے اثرات کے سبب وزیراعلیٰ یوگی آدتیہ ناتھ نے اعلان کیا تھا کہ جولائی سے ہر روز 25 ہزار کورونا ٹیسٹنگ کی جائے گی، تاکہ اس وبا پر قابو پایا جا سکے۔