اترپردیش میں کورونا وائرس سے متاثر مریضوں کی تعداد میں اضافہ ہوتا جا رہا ہے۔ اسی سے اندازہ لگایا جاسکتا ہے کہ گزشتہ کچھ دنوں میں تیزی کے ساتھ ریاست میں کورونا وائرس کا پھیلاؤ مزید بڑھتا ہی جارہا ہے۔
اتر پردیش میں اب تک 2281 مثبت کیس ہیں۔ 555 مریض ڈسچارج ہو چکے ہیں اور 41 لوگوں کی موت ہوئی ہے۔
اچھی خبر یہ ہے کہ سات اضلاع میں اب کوئی ایکٹیو کیس نہیں ہیں۔
اترپردیش میں اب تک 155 بسوں کے ذریعے مدھیہ پردیش سے مزدور آ چکے ہیں۔ وزیراعلیٰ ہیلپ لائن سے گاؤں کے پردھان اور سبھا سد کو ہدایت دی گئی ہے کہ باہر سے آنے والے لوگوں کا میڈیکل جانچ ضرور کروانا یقینی بنائیں تاکہ گاؤں دیہات میں کورونا نہ پھیلنے پائے۔
صوبے میں جتنے بھی ہاٹ اسپاٹ بنائے گئے ہیں، وہاں صرف ڈیلیوری دینے والے اور صحت سے تعلق رکھنے والے لوگ ہی جا سکتے ہیں۔
اس کے علاوہ اتر پردیش کے باشندے جو دوسرے ریاست میں 14 دن کورنٹین کر چکے ہیں، انہیں لایا جا رہا ہے۔
