وارانسی سے 22 طلبا سری لنکا کے لیے روانہ

ریاست اترپردیش کے ضلع وارانسی میں واقع بنارس ہندو یونیورسٹی (بی ایچ یو) میں تعلیم حاصل کرنے والے 22 سری لنکا کی رہائشی طلبا کو خصوصی بس کے ذریعے دہلی روانہ کیا گیا ہے۔

یہ سبھی طلبا بنارس ہندو یونیورسٹی کے انٹرنیشنل ہاسٹل میں رہائش پذیر تھے۔ لاک ڈاؤن کے بعد سے یہاں پر پھنسے ہوئے تھے۔

ریاست اترپردیش کے ضلع وارانسی میں واقع بنارس ہندو یونیورسٹی

اس سلسلے میں ضلع مجسٹریٹ کوشل راج شرما نے بتایا کہ بنارس ہندو یونیورسٹی میں تعلیم حاصل کر رہے 22 سری لنکا کے طلبا کو دہلی سے فلائٹ کے ذریعے ان کو سری لنکا جانا ہے۔ بھارتی حکومت کے وزارت خارجہ سے اجازت طلب کی گئی تھی۔ اجازت ملنے کے بعد بی ایچ یو کے رجسٹرار کی گزارش پر مذکورہ طلبا کو خاص بس کے ذریعے آج دہلی بھیجا جا رہا ہے۔

طلبا کو سماجی دوریوں کے ساتھ ساتھ کورونا وائرس سے بچنے کی سبھی قوائد بتائے گئے ہیں اور ہدایت بھی کی گئی ہے کہ سفر کے دوران اس پر سختی سے عمل کریں۔