اترپردیش: بس حادثے میں دو ہلاک، متعدد زخمی

برواساگر تھانہ علاقے میں نووڈیا اسکول کے پاس ایک بس حادثے کا شکار ہوگئی جس میں دو افراد ہلاک جب کہ 16 افراد زخمی ہوگئے۔

مسافروں سے بھری پرائیوٹ بس پل سے ٹکرا گئی جس میں 2 افراد کی موت ہوگئی اور 16 افراد زخمی ہوئے ہیں۔

اس حادثے کی اطلاع موصول ہوتے ہی پولیس موقع پر پہنچی اور زخمیوں کو علاج کے لیے ہسپتال میں داخل کرایا گیا۔

یہ بس جھانسی سے مئورانی پور جارہی تھی، تبھی یہ حادثہ پیش آیا۔

حادثے کے بعد ڈرائیور اور کنڈکٹر دونوں موقع سے فرار ہوگئے۔

بس میں سوار مسافروں کا کہنا ہے کہ ڈرائیور شراب کے نشے میں تھا۔