کانپور میں ٹرین حادثہ، لکھنئو - کانپور ریل روٹ متاثر

ریاست اترپردیش کے کانپور ریلوے اسٹیشن میں لوکل ٹرین کے دو ڈبے پٹری سے اتر گئے۔ اس حادثے کے بعد لکھنؤ سے کانپور ریل روٹ کو پوری طرح سے بند کردیا گیا ہے۔

اطلاعات کے مطابق یہ ٹرین لکھنؤ سے کانپور آرہی تھی ۔اس لوکل ٹرین کے خاتون کوچ کے دو ڈبے کانپور سینٹرل کے پلیٹ فارم نمبر تین پر پٹری سے اتر گئے۔

یہ حادثہ اس وقت پیش آیا جب لوکل ٹرین اپنی پٹری کو بدل رہی تھی۔حادثے میں کئی پیلر بھی ٹوٹ گئے۔

ریلوے انتظامیہ کو حادثے کی اطلاع ملتے ہی افسر موقع پر پہنچ کر حالات کا جائزہ لیا۔

ڈپٹی سی ٹی ایم ہمانشو اپادھیائے نے کہا کہ حادثے کی جانچ کے لیے ایک کمیٹی کی تشکیل دے دی گئی ہے۔ ساتھ ہی ریلوے ٹریک کی مرمت کا کام جاری ہے۔

انہوں نے کہا کہ جلد ہی لکھنؤ اور کانپور کے ریلوے لائین کو درست کردیا جائے گا۔

مزید تفصیلات کا انتظار ہے۔