مختار انصاری ایمبولینس معاملہ میں دو مفرور ملزمان گرفتار

اتر پردیش کے بارہ بنکی میں بی ایس پی کے رکن اسمبلی مختار انصاری کے خلاف فرضی دستاویز کے معاملے میں درج کرائے گئے مقدمے میں دو مفرور ملزمان کو گرفتار کر لیا گیا ہے۔ اس معاملے میں اب تک 6 ملزمین کی گرفتاری ہو چکی ہے۔

واضح ہو بارہ بنکی میں اے آر ٹی او ایڈمنسٹریشن کی شکایت پر 2 اپریل کو سے فرضی کاغذات کی بنیاد پر ایمبولینس رجسٹریشن کرانے کے معاملے میں مختار انصاری سمیت 7 افراد کو نامزد کیا گیا تھا۔

ان میں سے مختار انصاری پہلے سے ہی باندہ جیل میں بند ہیں۔ جبکہ 4 ملزامان ڈاکٹر الکا رائے، راج ناتھ یادو، آنند یادو اور شیش ناتھ کو گرفتار کیا جا چکا ہے۔

پولیس نے ملزم محمد شعیب مجاہد اور محمد سلیم کو گرفتار کیا ہے جن پر پولیس کی جانب سے 25-25 ہزار روپے کے انعام کا اعلان کیا گیا تھا۔

محمد شعیب مئو ضلع کے رہنے والے ہیں، جبکہ محمد سلیم غازیپور ضلع کے رہنے والے ہیں۔ محمد سلیم کی گرفتاری ایس ٹی ایف نے لکھنؤ کے جانکی پورم علاقے سے کی ہے۔ وہ مختار انصاری کے ڈرائیور بتائے جا رہے ہیں۔