مظفرنگر میں کورونا کے 12 نئے معاملے

مظفر نگر میں کورونا وائرس کے آج 12 نئے معاملے سامنے آئے ہیں۔ ساتھ ہی کورونا کے 14 مریض صحتیاب بھی ہوئے ہیں۔ جبکہ مظفرنگر میں اب تک 105 مریضوں کی موت بھی ہو چکی ہے۔

اترپردیش کے ضلع مظفر نگر میں کورونا وائرس کے نئے معاملوں کا نکلنا بدستور جاری ہے۔ آج بھی ضلع میں کورونا کے 12 مثبت کیس پائے گئے ہیں۔

محکمہ صحت کی جانب سے جاری رپورٹ کے مطابق آج کورونا کی 381رپورٹ موصول ہوئی ہیں جن میں سے 12 مثبت کیس پائے گئے۔ دیگر تمام رپورٹ منفی آئی ہے۔

راحت کی بات یہ بھی ہے کہ محکمہ صحت کی ٹیم نے آج 14 مثبت مریضوں کو ٹھیک بھی کیا ہے۔ وہیں، کورونا سے اب تک مظفر نگر میں 105 سے زائد افراد کی موت بھی ہوچکی ہے۔