مرادآباد ریلوے جنکشن پر 12 کوچ آئسولیشن وارڈ میں تبدیل

ریاست اترپردیش کے ضلع مرادآباد میں کورونا وائرس کے مریضوں کو سنبھالنے کے لیے مرادآباد ریلوے جنکشن پر 12 کے قریب قرنطینہ کوچ تیار کی گئی ہیں۔ ریلوے حکام کے مطابق، کوچوں میں کورونا وائرس کے مریضوں سے نمٹنے کے لیے درکار طبی ضروریات پوری ہوچکی ہیں۔

مرادآباد ریلوے پولیس اسٹیشن کے ڈپٹی سپرنٹنڈنٹ آر کنور سنگھ نے بتایا کہ مرادآباد ریلوے جنکشن پر کورونا وائرس کے مریضوں کے لیے 12 کوچ کو آئسولیشن وارڈ میں تبدیل کیا گیا جو اب استعمال کے لیے پوری طرح تیار ہے۔

کنور سنگھ نے میڈیا کو بتایا کہ ‘کورونا وائرس کے مریضوں کو سنبھالنے کے لیے 12 کے قریب کوچ میں آئسولیشن وارڈ تیار کیے گئے ہیں۔ یہ سب فی الحال چارج اور دیکھ بھال کے لئے واشنگ لائن کے تحت ہیں۔ لیکن اگر حکومت کو ریلوے کی مدد کی ضرورت پڑتی ہے تو ان کو پٹریوں پر کھڑا کر دیا جائے گا’۔

سدھیر کمار نے کہا کہ ‘کوچوں کو کورونا وائرس کے مریضوں سے نمٹنے کے لیے درکار طبی ضروریات پوری ہو چکی ہیں’۔

وزارت صحت کے مطابق، اترپردیش میں اب تک کورونا وائرس کے 1793 کیسیز پائے گئے ہیں، جن میں سے 261 افراد ٹھیک ہو چکے ہیں اور 27 کی موت ہوگئی ہے۔