کانپور انکاؤنٹر: دس کانسٹیبلز کا راتوں رات ٹرانسفر

اترپردیش میں کانپور انکاؤنٹر کے بعد 10 کانسٹیبلوں کو چوبے پور پولیس اسٹیشن میں منتقل کردیا گیا ہے۔ اس معاملے میں آئی جی موہت اگروال نے کہا کہ تمام تھانوں کی تحقیقات کی جا رہی ہیں۔

کانپور میں بکرو پولیس قتل عام کے بعد 10 کانسٹیبلوں کو چوبے پور پولیس اسٹیشن منتقل کردیا گیا ہے۔ کانپور انکاؤنٹر کیس میں کانپور کے آئی جی موہت اگروال نے کہا ہے کہ تمام تھانوں کی تفتیش جاری ہے۔

دس کانسٹیبل تھانہ چوبے پور منتقل کیے گئے

گزشتہ 2 جولائی کی رات کانپور کے چوبے پور تھانہ کے بکرو گاؤں جانے والی پولیس ٹیم پر ڈھائی لاکھ کا انعامی بدمعاش وکاس دوبے اور اس کے ساتھیوں نے اندھا دھند فائرنگ کردی۔ اس میں ڈپٹی ایس پی سمیت 8 پولیس اہلکار شہید ہوگئے۔ وہیں اس کیس کے بعد سے پولیس مرکزی ملزم وکاس دوبے کی تلاش کر رہی ہے۔

اس دوران شہید ہونے والے سی او دیویندر مشرا کی جانب سے اعلی عہدیداروں کو ایک خط ملا تھا، جس میں اس وقت کے ایس او ونئے تیواری اور گینگسٹر وکاس دوبے کا رابطہ ہونا بتایا گیا تھا۔

آئی جی موہت اگروال اس معاملے کا نوٹس لیتے ہوئے کارروائی کررہے ہیں۔ دریں اثنا 10 کانسٹیبلوں کو کانپور کے چوبے پور پولیس اسٹیشن میں منتقل کردیا گیا۔ تمام تھانوں کی بیک وقت تحقیقات کی جارہی ہیں۔