ادھم پور: عالمی یوم صحت کے موقع پر مریضوں کو طبی مشورے دیے گئے

ڈسٹرکٹ اسپتال ادھم پور میں عالمی یوم صحت کے موقع پر آج ڈاکٹروں نے مریضوں کو صحت سے متعلق بیدار رہنے اور عالمی وبا کورونا وائرس سمیت متعدی بیماریوں کے تعلق سے جانکاری دی۔ اس موقع پر ڈاکٹروں نے مریضوں کو آگاہ کرتے ہوئے کہا کہ غلط چیزوں کا استعمال صحت کے لئے نقصان دہ ہوسکتا ہے۔

مرکز کے زیر انتظام جموں و کشمیر کے ڈسٹرکٹ اسپتال ادھم پور میں عالمی یوم صحت کے موقع پر آج ڈاکٹروں نے مریضوں کو صحت کے متعلق جانکاری دیتے ہوئے انہیں بیدار رہنے کا مشورہ دیا۔

اس موقع پر میڈیا سے بات کرتے ہوئے ڈسٹرکٹ ہسپتال کے سپرنٹنڈنٹ وجے رینا نے کہا کہ کورونا وبا کی وجہ سے لوگوں کو بہت ساری پریشانیوں کا سامنا کرنا پڑ رہا ہے

انہوں نے لوگوں کو صحت کی دیکھ بھال کرنے کے طریقوں سے آگاہ کرتے ہوئے بتایا کہ وہ کس طرح سے صحت مند رہ سکتے ہیں۔

انہوں نے مریضوں کو آگاہ کرتے ہوئے کہا کہ غلط چیزوں کا استعمال صحت کے لئے نقصان دہ ہوسکتا ہے۔

وہیں ضلع ہسپتال کے متعدد ڈاکٹروں نے لوگوں کے سامنے اپنے خیالات کا اظہار کیا اور یہ بھی بتایا کہ کورونا کی وجہ سے لوگوں کو زیادہ مستعد رہنا چاہئے اور وقتا فوقتا ڈاکٹر کے مشورے لینے چاہئیں۔