جموں و کشمیر: وزیر اعظم کے یوم پیدائش پر شجرکاری مہم

جموں و کشمیر کے ضلع اُدھم پور کے کاؤنسلرز نے محکمہ جنگلات کے تعاون سے وزیر اعظم نریندر مودی کی سالگرہ کے موقع پر شجر کاری مہم کا انعقاد کیا۔

کرسچن کالونی، میونسپل آفس اور میٹاڈور اسٹینڈ میں پھلوں پودوں کے آیورویدک پودے لگائے گئے۔ اراکین نے شجرکاری کے تحفظ کا بھی وعدہ کیا۔

سٹی کونسل کے چیئرمین سریندر سنگھ خالصہ نے میڈیا سے گفتگو کرتے ہوئے کہا کہ اگر شہر کے ماحولیات کا تحفظ کرنا ہے تو ہر شہری کو پودا لگانے کی ضرورت ہے۔ ہر روز شہریوں کو یہ عہد کرنا چاہیے کہ وہ ماحول کو صاف ستھرا اور سبز رکھنے میں مدد کریں گے۔