اودھمپور کے صحافیوں کو دیا گیا اعزاز

کورونا وائرس وبا کے خطرے کے باوجود صحافتی خدمات انجام دینے کے لئے سینئر سیٹیزن کلب نے کئی صحافیوں کو اعزاز سے نوازا ہے۔

جموں و کشمیر کے ضلع اودھمپور میں سینئر سیٹیزن کلب کے زریعیہ اودھمپور میں کورونا وائرس وبا کے پیش نظر بہترین صحافت کے لئے کئی سینئر صحافیوں کو اعزاز سے نوازا گیا ہے۔

کورونا وائرس وبا کے دوران اودھمپور کے صحافیوں نے اپنی زندگی کو خطرے میں ڈال کر لوگوں کو باخبر رکھنے کے لئے کام کیا اور لوگوں کی بیداری میں اہم کردار ادا کیا۔

اس لئے کلب کی جانب سے صحافیوں پر پھول برسائے گئے اور انہیں اعزاز دیا گیا تاکہ صحافیوں کی حوصلہ افزائی ہو سکے۔

اس موقع پر ای ٹی وی بھارت کے اودھمپور سے نامہ نگار آشیش دت کو بھی ان کے صحافتی خدمات کے لئے اعزاز سے نوازا گیا۔