جید ٹریکٹر سے کیمیکل کا چھڑکاؤ

اودھمپور میں کورونا وائرس سے جنگ میں ضلع انتظامیہ کی طرف سے جدید آلات متعلقہ محکمہ کو فراہم کیا گیا ہے۔

جموں و کشمیر کے ضلع اودھمپور میں کورونا وائرس سے جنگ میں ضلع انتظامیہ کی طرف سے جدید آلات متعلقہ محکمہ کو متعارف کروائے جارہے ہیں۔

اس سلسلے میں آج ضلع ترقیاتی کمشنر ڈاکٹر پیوش سنگلا نے ضلع کی تین میونسپل کونسلوں اور سٹی کمیٹیوں کو تین ٹریکٹر دیئے جو کورونا کو شکست دینے میں نمایاں کردار ادا کریں گے۔

تین ٹریکٹر دیئے

واضح ہو کہ اودھمپور میونسپل کونسل، چنینی اور رام نگر کو دیئے گئے ٹریکٹر کورونا کے انفیکشن کو کم کرنے کے لئے استعمال ہوں گے اور اس سے پورے خطے میں صفائی ستھرائی ہوگی۔

ضلعی ترقیاتی کمشنر ڈاکٹر پیوش سنگلا نے ان ٹریکٹروں کا باقاعدہ افتتاح کیا اور ان کو متعلقہ میونسپل کونسلوں اور کمیٹیوں کے حوالے کیا۔