ادھم پور: دو روزہ کراٹے چیمپئن شپ کا انعقاد

اس چیمپئن شپ میں ضلع کے مختلف علاقوں سے تقریبا 300 کھلاڑی حصہ لے رہے ہیں۔ پہلے روز مختلف عمر کے کھلاڑیوں کے درمیان دلچسپ مقابلہ ہوا۔

ادھم پور میں ڈسٹرکٹ کراٹے ایسوسی ایشن نے جمعہ کے روز دو روزہ کراٹے چیمپئن شپ کا انعقاد کیا۔ اس موقع پر 71 سب ایریا کے کمانڈنٹ جے ایس کوہلی نے مہمان خصوصی کے طور پرشرکت کی۔ انہوں نے چمپئن شپ کا افتتاح شمع روشن کر کے کیا۔

مہمان خصوصی نے کھلاڑیوں کو بہترین کارکردگی کا مظاہرہ کرنے کی ترغیب دی۔ اس موقع پر ایسوسی ایشن کے صدر سریندر سنگھ خالصہ بھی موجود تھے۔ انہوں نے کہا کہ اس چیمپئن شپ کے ذریعے کھلاڑیوں کو اپنی صلاحیتوں کو آگے لے جانے کا موقع فراہم کیا جا رہا ہے۔

واضح رہے کہ اس چیمپئن شپ میں ضلع کے مختلف علاقوں سے تقریبا 300 کھلاڑی حصہ لے رہے ہیں۔ پہلے روز مختلف عمر کے کھلاڑیوں کے درمیان دلچسپ مقابلہ ہوا۔