ہائی وے پر بنشیں، اودھم پور میں بسوں کا انتظام

سرینگر جموں قومی شاہراہ پر بندشوں کے فیصلے کے بعد اودھم پور میں مقامی انتظامیہ نے خصوصی بسوں کے انتظامات کیے ہیں۔ ان بسوں کے علاوہ پراویٹ بسیں نہیں چلائی جائیں گی۔

اودھمپور ضلع میں بہت سی تحصیلیں اور گاؤں قومی شاہراہ کے راستے میں آتے ہیں۔ان میں چنینی،کد،پتنی ٹاپ شدھ مہادیو۔لاٹی وغیرہ شامل ہیں۔

ان سب جگہوں کو محض ایک قومی شاہراہ ہی جوڑتا ہے۔ایسے میں عام شہری، ملازمین و طلبہ کو آمد و رفت کے لیے کئی مشکلات کا سامنا کرنا پڑتا ہے۔ اس کے مد نظر ضلع انتظامیہ نے اودھمپور سے چینینی کے لیے خصوصی بسیں چلانے کا انتظام کیا ہے۔

مقامی حکام کے مطابق، اگر لوگوں کی آمد و رفت زیادہ ہوگی تو بسوں کی تعداد میں اضافہ کیا جائے گا۔

یہ بسیں عام لوگوں کے لیے ہر اتوار اور بدھ کے روز اودھمپور کے جکھینی چوک سے چلیں گی یا چنینی چوک سے اودھمپور کے لیے چلیں گی۔ عام لوگوں نے ضلع انتطامیہ کے جانب سے کیے گئے اس قدم کو سراہا ہے۔