پولیس نے چوری کی دو موٹر سائیکل کے ساتھ دو افراد کو گرفتار کیا

ادھم پور پولیس نے ہفتہ کے روز چوری کی دو موٹرسائیکل برآمد کی ہے۔ جس کے ساتھ ہی پولیس نے چوری کے الزام میں دو افراد کو گرفتار کیا ہے جس میں سے ایک نابالغ بتایا جا رہا ہے۔

اس ضمن میں پولیس یہ جاننے کی کوشش کر رہی ہے کہ شہر میں موٹر سائیکل چوری کرنے والا کوئی اور گروہ موجود ہے یا نہیں۔

غور طلب ہے کہ کچھ دن قبل تھانہ ادھم پور میں انل گوسوامی نامی شخص نے شکایت درج کروائی تھی کہ گھر کے باہر کھڑی موٹرسائیکل (jk14G-568) چوری ہوگئی ہے۔

اس سلسلے میں پولیس نے شبہ کی بنیاد پر کچھ لوگوں سے پوچھ گچھ شروع کردی۔ جس کے بعد تفتیش کے دوران ایک نابالغ نے چوری کا اعتراف کیا۔

پولیس نے اس کے دوسرے ساتھی محمد یعقوب رہائشی پینتھل (رییاس) کو بھی گرفتار کیا ہے۔

واضح رہے کہ پولیس کی تفتیش کے دوران موٹرسائیکل ریلوے اسٹیشن کے پاس سے برآمد کی گئی۔

وہیں پولیس اس معاملے میں مزید کارروائی کرتے ہوئے چور گروہ کا پتہ لگانے میں مصروف ہوگئی ہے۔