ادھمپور: ہڑتال کے سبب مسافر پریشان

ویشنو دیوی کے درشن کے لئے آئے 'ترتھ یاتریوں' کا کہنا ہے کہ 'گاڑیوں کی عدم دستیابی کی وجہ سے انہیں کافی پریشانیوں کا سامنا کرنا پڑ رہا ہے۔'

مرکز کے زیر انتظام جموں و کشمیر کے ادھمپور میں ٹرانسپورٹرز کی ہڑتال کے باعث مسافروں کو انتہائی پریشانیوں کا سامنا کرنا پڑ رہا ہے۔ دراصل ویشنو دیوی کے درشن کے لئے آئے 'ترتھ یاتریوں' کا کہنا ہے کہ وہ نہیں جانتے تھے کہ آج ٹرانسپورٹرز کی ہڑتال ہے۔

انہوں نے کہا کہ 'ویشنو دیوی کے درشن کے لئے جانا تھا لیکن گاڑیوں کی عدم دستیابی کی وجہ سے انہیں کافی پریشانیوں کا سامنا کرنا پڑ رہا ہے۔'

انہوں نے انتظامیہ سے مطالبہ کیا ہے کہ 'مسافروں کے حوالے سے کوئی حل تلاش کیا جائے تاکہ ہم لوگوں کو کسی قسم کی پریشانی کا سامنا نہ کرنا پڑے۔ پرائیوٹ گاڑی چلانے والے بہت زیادہ کرایہ وصول کر رہے ہیں، اس وجہ سے مسافروں کو اور بھی زیادہ پریشانیوں کا سامنا کرنا پڑ رہا ہے۔'