Two Lane Bridge Jeswal Bridge دو لین جیسوال برج، چناب کی تعمیر کا کام مکمل، نتن گڈکری

سرینگر جموں قومی شاہراہ پر ادھمپور رام بن سیکشن پر دریائے چناب پر واقع دو لین جیسوال برج کی تعمیر مکمل ہونے کا اعلان مرکزی وزیر نتن گڈکری نے سلسلہ وار ٹویٹس کے ذریعے کیا۔ Nitin Gadkari on Two Lane Bridge Jeswal Bridge

نئی دہلی:سڑک ٹرانسپورٹ اورشاہراہوں کے مرکزی وزیر نتن گڈکری نے کہا کہ جموں وکشمیر میں این ایچ 44کے اودھم پور-رام بن سیکشن پر واقع دریائے چناب میں دولین والے جیسوال برج کی تعمیر کا کا م مکمل ہو گیا ہے۔ ایک سلسلہ وار ٹویٹ میں وزیر نے کہا کہ ’’یہ شاندار ڈیزائن کیا گیا بیلنس کینٹی لیور پل 118 میٹر پر محیط ہے اور اسے 20کروڑ روپے کی لاگت سے تیار کیا گیا ہے۔

نتن گڈکری نے کہا کہ ’’اس پل کے بننے سے دو مقاصد پورے ہونگے۔ پہلا، چندرکوٹ سے رام بن سیکشن پر بھیڑ بھاڑ کم ہوگی اور اس سے بلارکاوٹ گاڑیوں کی نقل و حرکت کو یقینی بنانے میں مدد ملے گی۔ دوسرا: اس سے سرینگر جموں قومی شاہراہ 44پر شری امرناتھ یاترا کے دوران گاڑیوں اورعقیدت مندوں کی بلا رکاوٹ آمد و رفت کی سہولت حاصل ہوگی، جس کی شروعات جلد ہونے والی ہے۔‘‘

گڈکری نے ٹویٹ میں مزید کہا کہ ’’وزیراعظم نریندرمودی کی دور اندیش قیادت میں ہم جموں وکشمیر کو غیرمعمولی شاہراہوں کے بنیادی ڈھانچے فراہم کرنے کے ساتھ اپنے عزم پرثابت قدم ہیں۔ انہوں نے کہا کہ یہ انقلابی ترقی نہ صرف خطے کی اقتصادی ترقی میں اہم کردار ادا کرتی ہے بلکہ ایک اہم سیاحتی مقام کے طورپر اس کی طرف رغبت کو بڑھاتی ہے۔‘‘ قابل ذکر ہے کہ وادی کشمیر کو زمینی راستے سے جموں سے جوڑنے والی واحد شاہراہ سرینگر جموں قومی شاہراہ پر کشادی کا عمل گزشتہ کئی برسوں سے جاری ہیں تاہم فور لین شاہراہ کو برسوں کے بعد بھی ابھی تک مکمل نہیں کیا گیا جس کے سبب نہ صرف مسافرین بلکہ ٹرانسپورٹرز کو سخت مشکلات کا سامنا کرنا پڑتا ہے۔

یو این آئی