سڑک حادثے میں ماں بچے کی موت

ادھم پور میں سڑک حادثے میں ایک ماں اور بچہ ہلاک ہوئے جبکہ چار دیگر افراد زخمی ہو گئے ہیں۔

ضلع ادھم پور کے چنینی تھانہ علاقے میں واقع راضی دھناس میں صبح چھ بجے کے قریب ایک سڑک حادثہ پیش آیا۔ حادثے میں ایک خاتون اور ایک بچہ حلاک ہو گئے۔

پولیس کے مطابق راضی دھناس سے چنونی کی جانب ایک کار آ رہی تھی۔ اس میں چھ افراد سوار تھے۔ اسی بیچ دھناس علاقے کے پاس ماروتی کار قابو سے باہر ہو گئی اور اس میں بیٹھے سبھی چھہ لوگوں کو کافی چوٹیں آئیں۔

مقامی لوگوں نے زخمیوں کو چنینی کے ہسپتال میں داخل کرایا جہاں ایک خاتون اور اس کے بچے کی موت ہو گئی۔ ہلاک شدہ خاتون کی شناخت شالو دیوی کے طور پر ہوئی ہے۔

بتایا جاتا ہے کہ علاقے میں حادثے کے وقت کوئی گاڑی موجود نہیں تھی۔ پولیس نے کیس درج کر مزید تفتیش شروع کی ہے۔