ادھمپور کے بشٹ گاؤں میں پل جزوی طورپرمنہدم، مزدور کی موت

ہلاک شدہ شخص کی پہچان 42 سالہ ترکیشوروین کے طورپر کی گئی ہے جو کہ ریاست بہار کے ضلع سارن کا بتا یا جا رہا ہے۔

جموں و کشمیر کے ضلع ادھمپور کے چینونی۔سدھ مہادیو علاقہ میں گذشہ شام زیر تعمیر پل جزوی طورپر منہدم ہوگیا۔ اس حادثہ میں ایک مزدور کی موت ہوگئی ہے۔

کافی مشقت کے بعد لاش کو ملبہ کے اندر سے باہر نکالاگیا۔ اس کے بعد سی ایچ سی چینونی پہنچایا گیا جہاں لاش کا پوسٹ مارٹم کیا جائے گا۔

ہلاک شدہ شخص کی پہچان 42 سالہ ترکیشوروین کے طورپر کی گئی ہے جو کہ ریاست بہار کے ضلع سارن کا بتا یا جا رہا ہے۔

ذارئع سے ملی اطلاع کے مطابق پیر کی شام بشٹ گاوں میں پل تعمیر کے دوران ہی جزوی طورپر منہدم ہوگیا۔

اس حادثہ کی اطلاع ملتے ہی ایس ڈی پی او چینونی احمد شافی زرگر اور تھانہ انچارج چرنجیت سنگھ ٹیم کے ہمراہ موقع واردات پر پہنچے اور کافی مشقت کے بعد ملبہ کو ہٹا کر لاش کو باہر نکالا۔

فی الحال معاملہ کی جانچ کی جارہی ہے۔