ادھمپور: بی جے پی نے ان لاک کے فیصلے کا خیر مقدم کیا

جموں و کشمیر انتظامیہ نے کورونا کے مریضوں کی تعداد میں کمی آنے کی وجہ سے مشروط ان لاک کیا ہے، جس کا بی جے پی نے خیر مقدم کیا ہے۔

در اصل کورونا وائرس کی دوسری لہر کے پھیلاؤ کے پیش نظر یوٹی انتظامیہ نے ریاست میں سخت پابندیاں عائد کردی تھی لیکن اب کیسز میں کمی آنے کی وجہ سے یوٹی انتظامیہ نے ان لاک کے تحت راحت دینے کا فیصلہ کیا ہے، انتظامیہ کے حکم کے بعد ضلع انتظامیہ علاقے میں کیسز کے مد نظر رکھتے ہوئے ہدایات جاری کررہے ہیں جہاں محدود پیمانے پر کاروباری سرگرمیاں بحال کی جارہی ہے۔ بی جے پی کے ریاستی نائب صدر نے یو ٹی انتظامیہ کے فیصلے کا خیر مقدم کرتے ہوئے مزید راحت کا مطالبہ کیا ہے۔'

پریس کانفرنس سے خطاب کرتے ہوئے بی جے پی نائب صدر پون کھجوریہ نے عوام سے کورونا گائنڈ لائن پر سختی سے عمل کرنے کی اپیل کی۔ انہوں نے کہا کہ کورونا کا وبا ہمارے اوپر سے ابھی ٹلا نہیں ہے اس لیے ہمیں اب بھی محتاط رہنے کی ضرورت ہے۔'