اودھمپور میں ترقیاتی کام شروع

سڑک تعمیراتی کام کی شروعات سے کورونا وائرس کے باعث بےروزگار ہوئے باہری مزدوروں کو کام مل گیا ہے۔

جموں و کشمیر کے ضلع اودھمپور میں کوویڈ 19 کے باعث ترقیاتی کاموں میں ہوئی رکاوٹ کے بعد اب مخلتف مقامات پر گریف (بیلکان) کے ذریعہ کام شروع کر دیا گیا ہے، تاکہ دیگر ریاستوں سے آئے مزدوروں کو روزگار مل سکے۔

ترقیاتی کاموں میں فی الحال 33 فیصد مزدوروں کو ہی کام مل سکا ہے لیکن اس سے باہری ریاستوں سے پہنچے مزدوروں کو کافی راحت ملی ہے، جو گزشتہ پچاس سے زائد دنوں سے بےروزگار ہو گئے تھے۔

اس دوران مزدوروں کے ذریعہ سماجی فاصلے اور ماسک کا خاص خیال رکھا جا رہا ہے۔

سڑک تعمیر میں لگے مزدوروں کا کہنا ہے کہ انہیں دوبارہ سے کام ملنے سے ان کے گھر میں دوبارہ چولہا جل سکے گا۔