کورونا وئرس: جے کے بینک کے احتیاطی اقدامات

جموں و کشمیر کے ضلع ادھم پور میں واقع جموں و کشمیر بینک نے کورونا وائرس کے پیش نظر کئی احتیاتی اقدامات کیے ہیں، تاکہ کورونا وائرس کو پھیلنے سے روکا جا سکے۔

بینک مینیجر نے لوگوں سے اپیل کی ہے کہ بینک میں آ رہے تمام گاہک آپس میں کم از کم ایک میٹر کی دوری بنا کر رکھیں۔ اس کے ساتھ ہی بینک کے باہر اپنی باری کا انتظار کر رہے لوگوں کو ایک ایک کر کے بینک کے اندر بھیجا جا رہا ہے تاکہ بینک میں بھیڑ کم کی جا سکے۔

بینک اور اے ٹی ایم میں داخلے سے پہلے لوگوں کو سینیٹائزر دیا جا رہا ہے تاکہ کورونا کے اثر کو کم کیا جا سکے۔

بینک مینیجر نے میڈیا سے بتایا کہ انہیں سخت ہدایت دی گئی ہے کہ بینک کو صاف ستھرا رکھا جائے۔

بینک مینیجر نے لوگوں کو یہ پیغام دیا کہ ہر گاہک کو بینک میں آنے کی ضرورت نہیں ہے۔ انہوں نے کہا کہ لوگوں کو گھر سے ہی نیٹ بینکنگ کے ذریعے سودےبازی کرنی چاہیے تاکہ بینک میں بھیڑ سے بچا جا سکے۔