ادھم پور: 'بچ دعا' تہوار منایا گیا

کورونا وائرس کے پیش نظر انتظامیہ کی جانب سے جاری ہدایات کی عمل آواری کرتے ہوئے خواتین نے اس تہوار کو منایا۔

جموں و کشمیر کے ضلع ادھم پور میں 'بچ دعا' کا تہوار منایا گیا۔ ڈوگرا برادری کے لوگ اس تہوار کو دھوم دھام سے مناتے ہیں۔ یہ تہوار ماں اور بچے کے درمیان پیار کی نشانی ہے۔

ادھم پور میں اگست ماہ کی 15 تاریخ کو یہ تہوار روایتی طریقے سے منایا گیا۔ ماؤں نے ورت رکھ کر اپنے بیٹوں کی لمبی عمر کی دعا کی۔ اس موقع پر ماؤں نے میٹھی روٹیوں سے ٹوٹ نام کی مٹھائی بنائی اور بھگوان کو چڑائی۔

کورونا وائرس کے پیش نظر انتظامیہ کی جانب سے جاری ہدایات کی عمل آوری کرتے ہوئے خواتین نے اس تہوار کو منایا۔

سماجی دوری کو ذہن میں رکھتے ہوئے مائیں پوتر ندی میں جمع ہوئیں۔ ندی میں مائیں باری باری سے پوجا ارچنا کرتی نظر آئيں۔