وسیم رضوی کا رام مندر کے لیے 51 ہزار عطیہ

اتر پردیش شیعہ وقف بورڈ کے چیئرمین وسیم رضوی نے رام مندر مندر کی تعمیر کے لیے 51 ہزار روپے کا چیک بھیجا ہے تاکہ ایودھیا میں رام مندر کی تعمیر ہوسکے۔

وسیم رضوی نے پریس ریلیز جاری کرتے ہوئے کہا کہ وسیم رضوی فلمز کی جانب سے 51 ہزار روپئے کا تعاون رام جنم بھومی نیاس کے راکیش داس اور ایودھیا ضلع کوآرڈینیٹر شیعہ سنٹرل وقف بورڈ ممبر اشفاق حسین کے ذریعے بھیجی جارہی ہے۔

مستقبل میں جب بھی مسجد کی تعمیر ہوگی اس میں بھی شیعہ وقف بورڈ تعاون کرے گا۔انہوں نے مزید کہا کہ ایودھیا میں رام مندر پورے دنیا کے رام بھکتوں اور بھارت کے لئے فخر کی بات ہے۔

واضح رہے کہ وسیم رضوی رام مندر کی تعمیر کے پروزور حامی اور بابری مسجد کی تعمیر کے مخالف ہیں۔ ان کا مسلمانوں سے مطالبہ رہا ہے کہ وہ مندر کے حق میں ملکیت کے مقدمہ سے دستبردار ہوجائیں تا کہ وہاں رام مندر کی تعمیر ہوسکے۔

کچھ ماہ پہلے ہی انہوں نے رام جنم بھومی پر ایک فلم بھی بنائی تھی جو کافی سرخیوں میں رہی۔