وائی ایس شرمیلا نے مولانا حسام الدین ثانی عاقل سے ملاقات کی

ملاقات کے دوران شرمیلا نے خود کو مولانا کی بیٹی کہتے ہوئے تا حیات ان پر دست شفقت جاری رکھنے اور زندگی کے ہر مرحلہ میں خصوصی رہنمائی کی گزارش کی۔

تلنگانہ ریاست میں اپنی سیاسی طاقت کو مضبوط کرنے کے لیے اور عوام کو اپنی طرف راغب کرنے کی کوشش میں مصروف وائی ایس شرمیلا جو سابق وزیر اعلیٰ وائی ایس راج شیکھر ریڈی کی دختر ہیں، نے آج مولانا حسام الدین ثانی عاقل جعفر پاشاہ کی رہائش گاہ پر پہنچ کر خیرسگالی کی ملاقات کی۔

اس ملاقات کے دوران انہوں نے خود کو مولانا کی بیٹی کہتے ہوئے تاحیات ان پر دست شفقت برقرار رکھنے اور زندگی کے ہر مرحلہ میں خصوصی رہنمائی کی گزارش کی۔

اس ملاقات میں دونوں کی گفتگو کے دوران مولانا عاقل اور وائی ایس آر راج شیکھر ریڈی کے تعلقات پر بھی تبادلہ خیال کیا گیا۔

مولانا جعفرپاشاہ نے اس ملاقات کے دوران شرمیلا کے عزائم کی ستائش کی اور نیک تمنائوں کااظہار کیا۔

اس موقع پر وائی ایس آر ٹی پی کےترجمان اور حیدرآباد کے انچارج محمد مجتبیٰ ‘ یوتھ آئیکان وائی ایس آر ٹی پی محمد عظیم‘ و دیگر موجود تھے۔