تلنگانہ میں نئی سیاسی اننگز: شرمیلا کا دورہ کھمم ملتوی

اطلاع کے مطابق وائی ایس شرمیلا نے اس دورہ کو ملتوی کردیا ہے۔ ایم ایل سی انتخابات کے بعد وہ کھمم کا دورہ کرنے کا ارادہ رکھتی ہیں۔ مانا جا رہا ہے کہ آئندہ ماہ کی 14 تاریخ کے بعد ہی وہ یہ دورہ کریں گی۔

ریاست تلنگانہ میں اپنی نئی علاقائی سیاسی جماعت کے قیام کے ذریعہ سیاسی اننگز کی شروعات کرنے کا اشارہ دینے والی متحدہ آندھرا پردیش کے سابق وزیراعلی وائی ایس راج شیکھر ریڈی کی بیٹی وائی ایس شرمیلا نے کھمم ضلع کا دورہ ملتوی کردیا ہے۔

دراصل وہ اس ماہ کی 21 تاریخ کو گاڑیوں کے بھاری قافلہ کے ساتھ اس ضلع کا دورہ کرنے والی تھی۔

تازہ اطلاع کے مطابق انہوں نے اس دورہ کو ملتوی کردیا ہے۔ ایم ایل سی انتخابات کے بعد وہ کھمم کا دورہ کرنے کا ارادہ رکھتی ہیں۔

مانا جا رہا ہے کہ آئندہ ماہ کی 14 تاریخ کے بعد ہی وہ یہ دورہ کریں گی۔ شہر حیدرآباد میں واقع اپنی قیام گاہ لوٹس پونڈ میں شرمیلا ہر جمعہ کو اپنے آنجہانی والد کے حامیوں کے ساتھ اجلاس منعقد کررہی ہیں۔

واضح رہے کہ شرمیلا آندھرا پردیش کے موجودہ وزیراعلی و وائی ایس آر کانگریس پارٹی کے سربراہ وائی ایس جگن موہن ریڈی کی بہن ہیں۔