کورونا سے ہلاک شدہ افراد کی تدفین کا کام کرتی ہے یہ تنظیم

کورونا وائرس کے معاملے میں تیزی سے اضافہ ہو رہا ہے۔ وائرس سے اموات شرح میں اضافہ ہو رہا ہے۔ کورونا وائرس سے ہلاک ہونے والے افراد کی تدفین و تکفین میں مشکلیں آ رہی ہیں۔ ایسے میں یوتھ ویلفیئر تنظیم کورونا سے ہلاک ہونے لوگوں کی آخری رسومات ادا کر رہی ہے۔

یوتھ ویلفیئر تنظیم کورونا سے ہلاک ہونے والے افراد کی آخری رسومات کو مکمل کرتی ہے۔ یہ تنظیم بلا زات و مذہب آخری رسومات ادا کر رہی ہے۔

یوتھ ویلفیئر تنظیم کے صدر سید جلال الدین ظفر نے بتایا کہ ہماری تنظیم نے اب تک کورونا سے ہلاک ہونے والے 1500 افراد کی آخری رسومات ادا کر چکی ہے، جس میں 200 کا ہندو مذہب سے تعلق تھا۔

سید جلال الدین ظفر نے کہا کہ تنظیم سے 160 افراد جڑے ہوئے ہیں، حیدرآباد میں 60 لوگوں کام کرتے ہیں۔ ان کی ٹیم 24 گھنٹے خدمات انجام دیتی ہے۔

انہوں نے حکومت سے اپیل کی ہے کہ وہ پی پی ای کٹس اور دیگر سامان کی ضروری اشیاء فراہم کریں۔

انہوں نے اہل خیر حضرات سے اپیل کی ہے کہ وہ جو لوگ تدفین وتکفین کی اخراجات پورے نہیں کرسکتے ان لوگوں کی مدد کریں۔

غور طلب ہے کہ حیدرآباد میں حکومت کی جانب سے بالاپور علاقے میں کورونا وائرس سے ہلاک ہونے والوں کے لیے 5 ایکڑ پر ایک قبرستان مختص کی ہے۔ اس قبرستان میں کورونا سے انتقال ہونے والوں کی تدفین وتکفین کی جارہی ہیں۔