حیدرآباد: ریاست تلنگانہ کے جنگاؤں ضلع میں پیش آئے سڑک حادثہ میں ایک نوجوان لڑکی ہلاک ہوگئی۔ یہ حادثہ ضلع کے پالاکرتی ٹاؤن میں دیر رات اُس وقت پیش آیا جب ٹپر لاری نے اس لڑکی کو ٹکر مار دی۔ اس لڑکی کا تعلق آندھراپردیش کے وجئے واڑہ سے ہے جو حیدرآباد میں ایک پرائیویٹ کمپنی میں ملازمت کرتی تھی۔ اسی کمپنی میں کام کرنے والے اپنے ایک ساتھی کے ساتھ مل کر وہ بھدراچلم، بائیک پر روانہ ہوئی۔ کام کی تکمیل کے بعد حیدرآباد کو واپسی کے دوران ان کی بائیک کو پیچھے سے ٹپر لاری نے ٹکر دے دی۔ Young girl Died in road accident in Jangaon
حادثہ اتنا خطرناک تھاکہ لڑکی موقع پر ہی ہلاک ہوگئی جبکہ بائیک چلانے والا نوجوان شدید زخمی ہو گیا۔ جس کو علاج کے لئے اسپتال منتقل کر دیا گیا۔ پولیس نے اس سلسلہ میں ایک معاملہ درج کرکے جانچ شروع کر دی ہے۔