مغربی گوداوری: وزیر صحت نے بیمار افراد کی عیادت کی

آندھرا پردیش کے مغربی گوداوری ضلع کے ایلورو قصبے میں ہفتے کے روز کم از کم 25 افراد بیمار ہوگئے۔ ان میں سے 18 بچے اور باقی سات بڑے ہیں مگر بیماری کی وجہ ابھی تک معلوم نہیں ہوسکی۔

متاثر افراد متلی اور قئے کی کیفیت محسوس کرتے ہیں۔ جیسے ہی ڈاکٹروں اور پولیس کو اس معاملے کا علم ہوا ، انہوں نے انہیں ایلورو کے سرکاری جنرل اسپتال میں داخل کردیا۔ ڈاکٹروں نے تصدیق کی کہ وہ سب اب محفوظ اور مستحکم ہیں۔ لیکن بیماری کی وجہ ابھی تک معلوم نہیں ہوسکی ہے۔

ڈاکٹروں نے بتایا کہ انہوں نے مریضوں کے خون کے نمونے جانچ کے لئے وجئے واڑہ سرکاری اسپتال بھیجے ہیں۔ دریں اثنا، ریاستی وزیر صحت اے کالی کرشنا سرینواس کو جب اس بات کی اطلاع ملی تو وہ مذکورہ اسپتال پہنچے اور مریضوں کی عیادت کی۔

بتایا گیا کہ ڈاکٹرز بیماری کی وجہ تلاش کرنے کی کوشش کر رہے ہیں۔ تاہم مریض اب ٹھیک ہیں۔ ایک بچی کو بہتر علاج کے لئے وجئے واڑہ بھیجا گیا ہے۔ ڈاکٹروں کی ٹیم اس علاقے میں گئی جہاں ایک وقت میں بہت سارے لوگ بیمار ہوگئے۔ اس علاقے میں ہر گھر کے فرد کا میڈیکل ٹیسٹ کرائے جارہے ہیں۔