حیدرآباد کے مختلف مساجد میں مشترکہ عہدیداروں کا دورہ

حیدرآباد کے حلقہ کارواں میں وقف بورڈ کےچیئرمین محمد سلیم سمیت کئی عہدیداروں نے مشترکہ دورہ کیا۔

حیدرآباد کے حلقہ کارواں میں وقف بورڈ کے صدرمحمد سلیم، رکن اسمبلی سید احمد پاشاہ قادری، رکن اسمبلی کوثر محی الدین اور ریونیو ڈیپارٹمنٹ کے عہدیداران اور دیگر سرکاری عہدیداروں نے ٹولی مسجد، کلثوم پورہ جامع مسجد اور درگاہوں کا دورہ کرتے ہوئے تفصیلات حاصل کی-

کچھ دن قبل ٹولی مسجد کی اراضی پر ناجائز قبضہ کیا گیا تھا۔ مقامی لوگوں نے اس معاملے میں وقف بورڈ سے شکایت کی تھی۔

اس سلسلے میں وقف بورڈ کے چیئرمین محمد سلیم کے ہمراہ رکن اسمبلی کارون کوثر محی الدین نے آج دورہ کرتے ہوئے قبضہ کو برخاست کرنے کی ہدایت دی۔

اس کے علاوہ جامع مسجد کلثوم پورہ تفصیلی دورہ کرتے ہوئے مسجد کے اندرونی حصے کی تزئین کاری کے کام شروع کرنے کا فیصلہ کیا۔

اس موقع پر رکن اسمبلی کوثر محی الدین نے کہا کہ یہ جوائنٹ سروے کیا گیا ہے اس سروے کے تحت وقف بورڈ کی اراضیات کوباقاعدہ واپس لیا جائے گا۔