حیدرآباد: وراٹ کوہلی اور رائل چیلنجرس بنگلور کے دیگر کھلاڑی حیدرآباد میں محمد سراج کے نئے مکان پہنچے۔ آر سی بی کی ٹیم فی الحال حیدرآباد میں ہے جہاں وہ کرو یا مرو کی صورتحال کی شکار ہے۔ وراٹ کوہلی، کپتان ڈیوپلیسی اور کیدار جادھو بھی اس موقع پر موجود تھے۔ آر سی بی کے کھلاڑیوں کو محمد سراج کے مکان میں داخل ہوتے ہوئے ایک ویڈیو جاری کی گئی ہے جو وائرل ہوگئی ہے۔ محمد سراج نے حال ہی میں اپنے نئے مکان کی خریداری کے بارے میں بتایا تھا۔ انہوں نے اپنی ٹیم کے ارکان کو عشائیہ پر مدعو کرنے کا فیصلہ کیا تھا۔ محمد سراج کے مکان پر کوہلی اور دیگر ٹیم کے ارکان کی موجودگی سے متعلق ویڈیو سوشل میڈیا کے مختلف پلیٹ فارمس پر تیزی کے ساتھ وائرل ہوگئی جس میں کئی کھلاڑیوں کو مکان کے اندر جاتا ہوا دیکھا گیا ہے۔
محمد سراج نے اپنا نیا مکان فلم نگر میں خریدا ہے۔ محمد سراج نے ان تمام کی میزبانی کی۔ یہ ایک خوشگوار تقریب تھی۔ محمد سراج نے انکشاف کیا تھا کہ جب وہ کرکٹ کے لیے پریکٹس کرتے تھے۔ اس وقت ان کے گھر کی حالت سہی نہیں تھی۔ گھر کی حالت بھی ایسی تھی کہ ان کے پاس پریکٹس کے لیے اچھے جوتے بھی نہیں تھے۔ لیکن اب سراج نے اپنے کیرئیر میں ترقی کر لی ہے اور جیسے ہی انہیں رقم ملی، انہوں نے نیا گھر خرید لیا۔ سراج نے وراٹ کوہلی سمیت ٹیم کے تمام کھلاڑیوں کو اپنا نیا گھر دکھانے کے لیے بلایا۔ سراج کے گھر پہنچنے کے بعد وراٹ کوہلی، فاف ڈوپلیسی اور ان کے تمام ساتھیوں نے ان کے نئے گھر کے لیے مبارکباد دی۔