کورونا کے متعلق شعور بیداری کا انوکھا طریقہ

ریاست تلنگانہ میں کورونا وائرس کے تعلق سے عوام میں شعور بیداری کی غرض سے مختلف طریقوں سے مہم چلائی جارہی ہے۔ حیدرآباد سے تعلق رکھنے والے تخلیقی صلاحیتوں کے حامل سدھا کر نے کورونا وائرس کے جرثوم نما کار بنائی ہے تاکہ عوام کو کورونا وائرس کی شکل بتائی جا سکے اور یخ بتایا جائے کہ یہ وائرس کتنا خطرناک ہے۔

سدھا کر اس سے قبل بھی شعور بیداری کی غرض سے مختلف موقعوں پر مختلف نمونوں کی کاریں بناچکے ہیں۔

سدھاکر نے ای ٹی وی بھارت سے بتایا کہ کورونا وائرس کے متعلق عوام میں شعور بیداری کیلئے اس شکل کی کار بنائی ہے۔

انہوں نے بتایا کہ وائرس کی شکل جاننے کیلئے انہوں نے ڈاکٹر سے رابطہ کیا اور دس دن میں کار تیار کی۔

سدھاکر نے بتایا کہ وہ اس کو شہر کے مختلف سڑکوں پر اس کار کو نمائش کیلئے گشت کروائیں گے تاکہ عوام کو یہ بتایا جا سکے کی یہ وائرس کتنا خطرناک ہے۔