موبائل کو انفیکشن سے پاک کرنے کے لئے الٹرا وائلٹ کیبنٹ

دفاعی تنظیم ڈی آر ڈی او کی حیدرآباد میں واقع ایک لیبوریٹری نے موبائل فون، آئی پیڈ ، لیپ ٹاپ، نوٹ کرنسی، چیک، چالان، پاس بک، پیپرز، لفافوں اور اسی طرح کی دوسری چیزوں کو جراثیم سے پاک کرنے کے لئے خاص الٹراوائلٹ کیبنٹ تیار کیا ہے۔

نئی دہلی: دفاعی تنظیم ڈی آر ڈی او کی حیدرآباد میں واقع ایک لیبوریٹری نے موبائل فون، آئی پیڈ ، لیپ ٹاپ، نوٹ کرنسی، چیک، چالان، پاس بک، پیپرز، لفافوں اور اسی طرح کی دوسری چیزوں کو جراثیم سے پاک کرنے کے لئے خاص الٹراوائلٹ کیبنٹ تیار کیا ہے۔

ڈی آر ڈی او کے مطابق یہ کیبنٹ اس کی لیبوریٹری ریسرچ سینٹر بلڈنگ نے تیار کی ہے اور یہ مکمل طورپر خود کار ہے۔

اس کیبنٹ کی خاصیت یہ ہے کہ اس میں کہیں بھی ہاتھ لگانے یا کسی چیز کو چھونے کی ضرورت نہیں ہوتی. یہ اس کے اندر رکھی اشیاء کو چاروں طرف، اوپر نیچے اور دائیں بائیں ہر طرف سے جراثیم سے پاک کرنے کے قابل ہے۔

اشیا کو جراثیم سے پاک کرنے کے بعد یہ نظام خود کار طریقے سے بند ہو جاتا ہے اور کسی آپریٹر کی ضرورت نہیں پڑتی۔