تلنگانہ کے ضلع میڑچل میں سڑک حادثہ، دو نوجوان ہلاک

مہلوکین کی شناخت ضلع میڑچل میں سُورارم کے رہنے والے 22 سالہ پرمود ریڈی اور ورنگل ضلع کے سونیتھ ریڈی کے طورپر کی گئی ہے۔

تلنگانہ کے ضلع میڑچل میں پیش آئے سڑک حادثے میں دو نوجوان ہلاک ہوگئے۔ یہ حادثہ ضلع کے بورم پیٹ علاقہ کے قریب اُس وقت پیش آیا جب ان نوجوانوں کی بائیک، سڑک پر ٹہری ہوئی ڈی سی ایم وین سے ٹکرا گئی۔

حادثہ اتنا شدید تھا کہ یہ دونوں نوجوان موقع پر ہی ہلاک ہوگئے۔ ان کی شناخت ضلع کے سُورارم کے رہنے والے 22سالہ پرمود ریڈی اور ورنگل ضلع کے سونیتھ ریڈی کے طورپر کی گئی ہے۔

اطلاع ملتے ہی پولیس وہاں پہنچی جس نے ان نوجوانوں کی لاشوں کوپوسٹ مارٹم کے لئے بھیج دیا۔پولیس نے اس سلسلہ میں ایک معاملہ درج کرکے جانچ شروع کردی۔