حیدرآباد:ریاست تلنگانہ کے ضلع رنگاریڈی میں پیش آئے سڑک حادثہ میں دو افراد ہلاک ہوگئے۔ یہ حادثہ ضلع کے کوتور منڈل کے فاطمہ پور کے قریب اُس وقت پیش آیا جب ایک تیز رفتار اسکوٹی ٹہری ہوئی لاری سے ٹکرا گئی۔ حادثہ اتنا شدید تھا کہ اسکوٹی پر جانے والے دو افراد موقعے پر ہی ہلاک ہوگئے جب کہ ایک شخص شدید زخمی ہو گیا۔ Road Accident in Telangana
اطلاع ملتے ہی پولیس وہاں پہنچی جس نے ضابطہ کی کارروائی کی اور لاشوں کو پوسٹ مارٹم کے لیے بھیج دیا جب کہ زخمی کو علاج کے لئے ہسپتال منتقل کیا۔ ہلاک ہونے والے دونوں نابالغ بتائے جاتے ہیں۔ پولیس نے اس سلسلہ میں ایک معاملہ درج کرکے جانچ شروع کر دی ہے۔