حیدرآباد: تلنگانہ کے شہر حیدرآباد کے امیرپیٹ، یلاریڈی میں گیس سلینڈر دھماکہ میں دو افراد جھلس گئے۔ یہ واقعہ منگل کی صبح میں پیش آیا۔ پولیس کے مطابق یہ واقعہ اُس وقت پیش آیا جب چائے بنانے کے لئے 52 سالہ نرسمہا نے گیس اسٹو کو سلگایا جس کے ساتھ ہی دھماکہ ہوا۔ Gas cylinder explosion in Hyderabad
اس دھماکہ میں نرسمہا اور اس کی بیوی ناگا لکشمی جھلس گئی۔ مقامی افراد نے اس بات کی اطلاع پولیس کو دی جس کے بعد پولیس وہاں پہنچی اور ضابطہ کی کارروائی کرتے ہوئے ان دونوں کو علاج کے لئے پرائیویٹ اسپتال منتقل کیا۔ پولیس کی کلوز ٹیم بھی وہاں پہنچ گئی تاکہ دھماکہ کی وجوہات کا پتہ چلایا جا سکے۔