حیدرآباد: چوری کے الزام میں دو افراد گرفتار

تلنگانہ کے رچہ کنڈہ پولیس کمشنریٹ حدود میں ناچارم پولیس اور سی سی ایس ملکاجگری پولیس نے مشترکہ آپریشن انجام دیتے ہوئے چوری کی وارداتوں میں ملوث افراد کو گرفتار کرلیا۔

خبر کے مطابق پولیس نے ملاپور کے قریب دو افراد کو مشتبہ حالت میں جاتے ہوئے دیکھا اور ان کو حراست میں لے لیا۔ ان کی شناخت امر بہادر، لال بہادر کامی (نیپال)کے طورپر کی گئی ہے جو سیکوریٹی گارڈ کے طور پرکام کرتے ہیں۔ پولیس نے جب ان کی تلاشی لی تو ان کے پاس سے طلائی زیور برآمد ہوا۔

حیدرآباد: چوری کی وارداتوں میں ملوث افراد گرفتار

پولیس نے بتایا کہ ان ملزمین نے دیگر چار افراد رام بہادر، اشوک کرن سنگھ، وشوا کرما اور شریمتی جے جانوی کے ساتھ مل کر چوری کی کئی وارداتیں انجام دینے کا اعتراف کیا۔ ان کے قبضہ سے 18تولے کے طلائی زیور، 48 تولے کے نقروی زیور 5330 روپئے نقد رقم بھی ضبط کرلی گئی۔

یو این آئی