تلنگانہ: ٹی آر ایس کے ایک اور رکن اسمبلی کورونا سے متاثر

ریاست تلنگانہ میں کورونا کے کیسز میں اصافہ ہوتا جارہا ہے جبکہ حکمران جماعت ٹی آر ایس کے ایک اور رکن اسمبلی کورونا سے متاثر پائے گئے۔

آرمور کے رکن اسمبلی جیون ریڈی نے کورونا کی جانچ کروائی تھی جس پر وہ اس سے متاثر پائے گئے۔ وہ ایک دن حیدرآباد کے ایک اسپتال میں تھے جس کے بعد وہ گھر پر ہی الگ تھلگ ہیں۔ ان میں کورونا کی علامات نہیں ہیں جس کے بعد ان کو قرنطینہ کردیاگیا۔

اب تک نظام آباد ضلع کے نظام آباد رورل رکن اسمبلی باجی ریڈی گووردھن، اربن ایم ایل اے گنیش گپتا کورونا سے متاثر پائے گئے۔

تازہ طورپر جیون ریڈی اس سے متاثر پائے گئے۔ایک ایک رکن اسمبلی کے کورونا سے متاثر پائے جانے کے بعد ان سے ملاقات کرنے والے ان کے مداحوں اور پارٹی کے کارکنوں میں تشویش پائی جاتی ہے۔ میونسپل کواپشن کے عہدہ کے لئے وہ حال ہی میں حیدرآباد گئے تھے جہاں انہوں نے بعض افراد سے ملاقات کی تھی۔