تلنگانہ قانون ساز اسمبلی اور کونسل کے آج سے شروع سیشن کے سلسلہ میں پولیس کی جانب سے سیکوریٹی کے سخت انتظامات کیے گئے ہیں۔ Telangana Assembly
دو ہزار ملازمین پولیس کے ساتھ پولیس کا بھاری بندوبست کیاگیا ہے۔ اسمبلی کے اطراف کے علاقوں میں مختلف قسم کی پابندیاں عائد کر دی گئیں۔ پولیس نے اسمبلی اور اس کے اطراف کسی بھی قسم کے جلسوں، جلوس، ریلیوں اوراحتجاج کے خلاف انتباہ دیا ہے۔پولیس نے کہاکہ ایسا کرنے کی صورت میں سخت کارروائی کی جائے گی۔ اسمبلی کے اندر چار درجے سیکیورٹی کے انتظامات کیے گئے ہیں۔ ٹاسک فورس، لاء اینڈ آرڈر، اسپیشل برانچ اور انٹلی جنس پولیس کی حفاظت پر مامور ہیں۔