کرنول: بجلی کا جھٹکا لگنے سے تین افراد ہلاک

سب انسپکٹر نریش نے میڈیا کو بتایا کہ 35سالہ خاتون، اس کے دو بیٹے نشال اور وینکٹ سائی گرم پانی کے لیے رکھے گئے واٹر ہیٹر کی زد میں آگئے۔

آندھرا پردیش کے کرنول ضلع میں بجلی کی زد میں آکر تین افراد ہلاک ہوگئے۔

المناک واقعہ میں ایک ماں اور اس کے دو بیٹے بجلی کا جھٹکا لگنے سے ہلاک ہوگئے۔ یہ واقعہ آندھراپردیش کے کرنول ضلع کے گنیام گاوں میں پیش آیا۔

اس ضمن میں سب انسپکٹر نریش نے میڈیا کو بتایا کہ 35سالہ خاتون، اس کے دو بیٹے نشال اور 6 سالہ وینکٹ سائی گرم پانی کے لئے رکھے گئے واٹر ہیٹر کی زد میں آگئے۔ سب سے پہلے خاتون کو بجلی کا جھٹکا لگا جس کو بچانے کے لئے اس کے دو بچے گئے۔ تاہم دونوں بھی اس کی زد میں آگئے جس کی وجہ سے ان کی بھی موت ہوگئی۔