تلنگانہ: ٹریکٹر الٹ جانے سے تین افراد ہلاک

تلنگانہ کے ضلع کاماریڈی، بچکنڈا زون کے چنا دیوڑا میں افسوسناک حادثہ پیش آیا۔ جس میں تین افراد ہلاک ہوگئے۔

یہ حادثہ اس وقت پیش آیا جب گھر میں شادی کی جانی تھی اور تیاریاں زور وشور سے ہورہی تھی۔گھر کے تمام افراد اور رشتہ دار خوشی منا رہے تھے کہ اچانک ان کی خوشی غم میں بدل گئی۔

تفصیلات کے مطابق کاماریڈی کا مضافاتی علاقہ چنا دیوڑا میں ٹریکٹر الٹ جانے سے تین افراد ہلاک ہوگئے، اس حادثے میں دو افراد شدید زخمی ہیں۔ یہ حادثہ اس وقت پیش آیا جب ٹینکر کے ذریعہ شادی کے گھر میں پانی لایا جارہا تھا۔

زخمی افراد کو فوری طور پر بچکنڈا گورنمنٹ ہسپتال میں داخل کیا گیا۔مرنے کی والوں کی شناخت تکارام،سائلو اور شنکر کے طور پر ہوئی۔