تلنگانہ: سڑک حادثہ میں تین افراد ہلاک

تلنگانہ کے جوگولامبا گدوال ضلع میں پیش آئے سڑک حادثہ میں تین افراد موقع پر ہی ہلاک ہوگئے۔

یہ حادثہ ضلع کے اٹکیال منڈل کے دیالاواگو کے قریب کل شب اُس وقت پیش آیا جب ان کی کا رکے ڈرائیور نے اس کا توازن کھودیا اور یہ کار ٹہرے ہوئے ٹریکٹر سے ٹکراگئی۔

حادثہ کے وقت کار میں چار افراد سوار تھے جن کا تعلق گدوال ٹاون سے ہے۔
یہ افراد گدوال ٹاون سے ایراولی کی سمت جارہے تھے کہ یہ حادثہ پیش آیا۔
حادثہ اتنا شدید تھا کہ کار میں سوار افراد میں سے تین افراد موقع پر ہی ہلاک ہوگئے جبکہ کار کے ڈرائیور کو زخمی حالت میں علاج کے لیے فوری طور پر اسپتال منتقل کردیاگیا۔