لاک ڈاؤن کے تیسرے جمعہ کو بھی مساجد میں نہیں ہو سکی نماز

ریاست تلنگانہ میں لاک ڈاؤن کے دوران تیسرا جمعہ بھی مسلمان مساجد میں نماز جمعہ باجماعت ادا کرنے سے محروم رہے۔

حکومت کے احکامات کے مطابق مساجد میں باجماعت نماز پر پابندی عائد ہے، حکومت کی درخواست پر علماء نے بھی مسلمانوں کو نماز پنجگانہ کے علاوہ نماز جمعہ کے متبادل کے طور پر گھروں میں ہی نماز ظہر ادا کرنے کی تاکید کی۔

علماء دین کے مشورے پر عمل پیرا ہوتے ہوئے مسلمان بھی حکومت کے احکامات کی پاسداری کرتے ہوئے گھروں پر ہی نماز ادا کرنے کو ترجیج دے رہے ہیں۔

ریاست میں کورونا وائرس کے بڑھتے واقعات کے پیش نظر لاک ڈاؤن میں توسیع کے امکانات نظر آرہے ہیں، کل کابینی اجلاس میں اس سلسلے میں فیصلہ کیا جائے گا۔

لاک ڈاؤن میں توسیع ہوتی ہے تو مساجد میں باجماعت نماز ادا کرنے لئے مزید ایک یا دو ہفتے انتظار کرنا پڑے گا۔