صدر جمہوریہ حیدرآباد سے دہلی روانہ

صدر جمہوریہ رام ناتھ کووند جو سرمائی تعطیلات منانے کے لیے حیدرآباد آئے تھے وہ دہلی واپس روانہ ہو گئے۔

ہر برس سرمائی تعطیلات گزارنے کے لیے صدر جمہوریہ کی جانب سے حیدرآباد آمد اور راشٹرپتی نیلائم میں قیام ایک روایت ہے۔ آج وہ حیدرآباد کے حکیم پیٹ ایرپورٹ سے قومی دارالحکومت دہلی کے لیے روانہ ہوگئے۔

تلنگانہ کی گورنر تمیلی سائی سوندرا راجن، وزیراعلی کے چندر شیکھر راو اور دیگر اعلی عہدیداروں نے ان کو ایرپورٹ پر وداع کیا۔ اس ماہ کی 20 تاریخ کو کووند حیدرآباد آئے تھے۔ بعد ازاں وہ 23 دسمبر کو تین روزہ دورہ کے لیے تمل ناڈو روانہ ہوئے اور پھر دوبارہ حیدرآباد واپس آئے تھے۔
کل شب انہوں نے راشٹرپتی نیلائم میں ایٹ ہوم دیا تھا اور آج دوبارہ دہلی واپس چلے گئے۔