تلنگانہ کانگریس کے نئے صدر ریونت ریڈی نے بدھ کو ذمہ داری سنبھال لی جن کو چند دن پہلے پارٹی اعلی کمان نے اس عہدہ پر فائز کیا تھا۔اس پروگرام میں کانگریس مقننہ پارٹی لیڈر ملوبھٹی وکرامارکا کے ساتھ ساتھ سینئر رہنما گیتاریڈی،ناگم جناردھن ریڈی اور دوسروں نے شرکت کی۔
قبل ازیں ریونت ریڈی نے جوبلی ہلز کی مندر میں پوجا کی۔ انہوں نے بعد ازیں نامپلی میں واقع درگاہ حضرت یوسفینؒ پر حاضری دی اور چادر پیش کی جہاں سے وہ ریلی کی شکل میں پارٹی کے ہیڈکوارٹر گاندھی بھون پہنچے اور اپنے اس نئے عہدہ کی ذمہ داری سنبھال لی۔