آتشزدگی سے دکان خاکستر

ریاست تلنگانہ کے ضلع ونپرتی میں گروسری کی دکان میں آگ لگ گئی جس سے دکان میں رکھا سامان جل کر خاکستر ہو گیا۔ یہ واقعہ کل شب پیش آیا۔

گدوال ضلع سے تعلق رکھنے والا شیو کمار معاش کی تلاش میں اپنے خاندان کے ساتھ ونپرتی گاوں منتقل ہوا تھا۔ وہ وہیں گاوں میں دکان چلا رہا تھا۔کل شب تقریبا 12 بجے وہ اپنے کمرے میں سو رہا تھا تبھی اس کے پڑوسیوں نے اس کی دکان سے دھواں نکلتا ہوا دیکھا اور اس کو آگاہ کیا۔

شیو کمار نے گھر سے گیس سلینڈر کو فوری باہر نکال دیا جس کے نتیجہ میں ایک بڑا حادثہ ٹل گیا۔ دیکھتے ہی دیکھتے آگ نے دکان کو اپنی لپیٹ میں لے لیا۔ شارٹ سرکٹ آگ لگنے کی وجہ سمجھی جارہی ہے۔ شیو کمار نے بتایا کہ آگ لگنے کی وجہ سے اس کا پانچ لاکھ روپئے کا نقصان ہوا ہے۔